Fara beint í efni
Hulda Margrét ljósmyndari

Iðnaðarmyndir

Iðnaðar- og heimildaljósmyndun í verksmiðjum, á byggingarsvæðum og vinnustöðum.

Fagleg ljósmyndun í verksmiðjum, á byggingarsvæðum og vinnustöðum. Myndir sem sýna fagmennsku, öryggi og gæði í verki – til notkunar í markaðsefni, útboðsgögnum og ársskýrslum.

Iðnaðarmyndir sýna það sem fyrirtækið raunverulega gerir. Þær eru teknar þar sem vinnan fer fram og sýna fólkið, handverkið og tækin eins og þau eru. Slíkar myndir nýtast líka vel í atvinnuauglýsingum, þar sem gott fólk vill sjá hvar það kemur til með að vinna.

Hvað er myndað

  • Fólk að störfum og samvinna á vinnustaðnum
  • Vélar, tæki og framleiðsluferli
  • Vörur á framleiðslustigi og fullunnar
  • Mannvirki, verkframkvæmdir og áfangar í verkefnum – heimildaljósmyndun frá upphafi til enda

Öryggi og skipulag

Ég fylgi öryggisreglum á hverjum stað og fer yfir aðstæður með tengilið áður en myndataka hefst. Tökurnar eru skipulagðar í samráði við verkstjóra svo þær trufli starfsemina sem minnst.

Erfiðar aðstæður

Iðnaðarumhverfi er oft dimmt, með blönduðu ljósi, ryki eða gufu. Ég kem með ljósabúnað þegar þarf og vinn myndirnar þannig að litir og smáatriði skili sér, án þess að fegra það sem á að sýna eins og það er.